CHAMPIÑÓN 2021

Este ano o 24 e 25 de abril tes unha cita en Ordes.

Volve o Champiñón, volve a Tradición. Ordes 2021

O ano pasado non puidemos celebrar o noso tan ansiado “Champiñón”... Este ano si que o imos facer, aínda que de forma diferente debido ás restricións covid; así que disfrutarémolo de forma máis familiar, cos nosos, cos de sempre, como nos inicios desta nosa tradición, sen aglomeracións e sempre con #sentidiño.

Dende a asociación AECOR e en colaboración co Concello de Ordes e a Deputación da Coruña propoñemos un cartel de animación musical en movemento polas nosas rúas para poder desfrutar como antano.

Os máis peques, tanto o 24 como o 25 ás 18:00, poderán desfrutar de espectáculos pensados para eles na alameda, sempre respectando as medidas covid e reservando praza previamente no departamento de Cultura do Concello de Ordes debido ao aforo limitado.

Durante esta fin de semana a nosa hostalaría, a hostalaría asociada de AECOR, ofrecerá as mellores tapas de Champiñóns: cada local aportará a súa experiencia ao cociñar este fungo creando  a súa mellor versión para que degustemos os bocados máis incribles e que serán as delicias dos padais máis esixentes.

Champiñón 2021 _ Escóitao, Próbao e Compróbao e, se podes, Repíteo, pero con #sentidiño